أمــــــــــــــــ بحبك يا ـــــــــــــــــــــــي !!!

هيا الماضي
هيا الحاضر
وهيا المستقبل
هيا امالي وكل احلامي وايامي وزماني
هيا الحاجه الحقيقه في الدنيا دي الغريبه
هيا الي مقدرش استغنى عنها ولا دقيقه
هيا النور الي بينورلي طريقي
هيا الامل الي بتصبر بيه
دعوتها ليا بتخلي الدنيا متقساش وتحن عليا
وربنا بيكرمني لما بتكون راضيه عليا
سهرت كتير تعبت كتير شافت كتير معايا
ومهما بعمل ليها مقدرش اوفي ليها حاجه واحده من الي عملته معايا
اوقات من جواها بتتالم ومبتقولش الاه ولا بتتكلم
علشان متحملنيش حاجه ولا تضايقني بس كل هما تسعدني
بتفرح لفرحي وتزعل لزعلي وبتحس بيا قبل ما اقول الاه ولا اشكي
ولما بكون متضايقه بتبص في عيني وتعرف جوايا ايه قبل ما احكي
وصاني ربي عليها ابدا ما اعصيها ولا في يوم اخليها مني زعلانه
وصاني اطيعها واحن عليها وارسم على شفايفها الضحكه وعلطول تكون فرحانه
هيا الي بحبها

هيا امي
امي وررحي ودمي
امي وحته مني

بدعيلك يا امي في كل ثانيه بعيش فيها في الدنيا وبقول ربنا ما يحرمني من حنانك وطيبه قلبك عليا
ده انتي كل حاجه ليا
مفيش مخلوق في الدنيا بكون فرحانه معاه وقلبي مطمن وحاسس بالامان الا معاكي بجد وبتمنى طول الوقت اكون جنبك وياكي
اقول عنك ايه واوصفك بايه ده ربنا وصف وقال الجنه تحتك
يبقى انا اقول ايه
انا من غيرك ومن غير دعاكي ورضاكي عليا
مكنتش لسه عايش ولا عملت حاجه مفيده في الدنيا

لما بشوفك وببوس ايدك ونام على صدرك واتدفى واخد من حنانك
وقتها بجد يا امي بيبقى هاين عليا ابيع عمري علشانك
انا مهما رحت وجيت ومهما كبرت معاكي وعليت بحس اني لسه طفل صغير
وعمره ما كبر ولا اتغير
بحبك يا امي
وفخوره انك امي
انا عايشه رافعه راسي بيكي في الدنيا
ربنا يخليكي ويقدرني اسعدك بكل دقيقه انا عايشاها وثانيه

بحبك يا حياتي

تسلمى يا بوسى على مرورك

» بحبك