وحشنى جنونك

وحشني جنونك^.^
عفوا حياتي بابتعد عن لياليك

بارحل حياتي والندم في عيونك

اسمح لي ابكي واشتكي منك واغليك

محلاة دمعي لا اشتكى من طعونك

يا عمري اللي ما اتخلق من يساويك

يا عمر وافراحة يتامى بدونك

سنتين ودروب الغلا تفتخر فيك

سنتين واحلامي يهيمن بكونك

نبضات خفافي تغرد بطاريك

وترقص على تغريد نبضي شجونك

اذكر حبيبي يوم تبكي وانا ابكيك

يوم الدموع اللي بعيونك تخونك

اذكر ليالينا وضحك وغاليك

اذكر عيون وافيات تصونك

ليت الزمان يعود ويرد ماضيك

اشتقت للضحكه وحشني جنونك

لكن ابرحل واترك الهم يطويك

وتعيش بالدنيا اسير لظنونك

برحل وابترك لك بقايا امانيك

غدرك عذاب حال دوني ودونك

وخل الرفيق اللي غدر بي يسليك

واذكر ترى من خان لاجلك يخونك